Nú kunnu útvaldir vandabólkar fáa ókeypis koppseting fyri pneumokokkar

Nú kunnu útvaldir vandabólkar fáa ókeypis koppseting fyri pneumokokkar

04/05/2020 / COVID-19 á føroyskum /

Persónar, ið eru í serligum vanda fyri álvarsliga sjúku vegna smittu av COVID-19, kunnu nú venda sær til egnan lækna fyri at fáa ókeypis koppseting fyri pneumokokkum.

Hendan koppsetingin verður serliga bjóðað vandabólkum fyri at minka um vandan at fáa álvarsliga infektión samstundis sum at vandi eisini er fyri at fáa COVID-19. 

Koppsetingin, sum verður bjóðað serligum bólkum, er so statt ikki ein koppseting fyri COVID-19. Hetta er ein koppseting fyri einari ávísari bakteriu, pneumokok-bakterian, ið í ringasta føri kann elva til álvarsligar sjúkur so sum blóðeitran og lungnabruna. 

Nøkur fólk eru í størri vanda enn onnur, annaðhvørt orsakað av aldrinum, ella tí tey hava eina aðra sjúku. Tí er tað í fyrstu syftu persónar, ið búgva á ellis- og røktarheimi, persónar yvir 65 ár við kroniskari sjúku og persónar undir 65 ár við serligum vanda fyri at verða sjúk, ið fáa bjóðað koppseting. 

Fyri at finna útav, um tú ert í vandabólki og kanst fáa koppsetingina ókeypis, sí her:
https://www.sst.dk/da/Viden/Vaccination/

Tú kanst lesa meira um koppsetingina her: 
https://www.sst.dk/da

Relaterede nyheder