Hikûmet ji bo ezmûnkirin û tespîtkirina tûşbûnê stratejîyeke nû ya êrîşkar pêşkêş dike

13/05/2020 / COVID-19 bi Kurdî /

Kurtiya civîna çapemeniyê di Wezareta Dewletê de, 12ê Gulanê 2020

Danîmarka di van demên dawîn de pir kesan ji bo COVID-19 ezmûn kirin û niha yek ji wan welatan e ku li gor hejmara rûniştvanan herî zêde mirovan ezmûn dike. Ji ber ku eger tûşbûn ji nû ve zêde bive, pêwîst e ku em tespît bikin û ji ber vê yekê tespîtkirineke bibandor hewce ye.

Pêwîst e ku nexweşan werin îzolekirin/tecrîtkirin ku em karibin zincîreyên tûşbûnê bişkînin bêyî ku em civatê ji nû ve bigrin. Di heman demê de, pêwîst e salmezinan û lawazan jî dikarin vegerin azadiya xwe û jiyana xwe ya asayî (normal), da ku dîsa zarok û neviyên xwe bibînin.

Stratejiya nû ya ji bo tespîtkirina tûşbûnê wisa ye: Piştî ku kesek din bi virûsa Koronayê hat tomar kirin, rayedaran da zanîn ku vê hefteyê dê dest bi şopandinê bikin ka kî bi kesê pêketî re têkilî hebûne. Berî ku tûşbûn hîn zêdetir belav bibe, kesên ku bi pêketî re têkilî hebûne zû ezmûn (test) û îzole/tecrît dibin. Hikûmet Hotlineyek dadimezrîne da ku kesên nexweş karibin peywendî bi têkiliyên xwe re bikin û zincîra tûşbûnê rawestînin.

Wekî din, hikûmet, ligel şaredariyên re kar dike ku, ji bo wan hemwelatiyên ku di nav rewşa nexweşîyê de nekarin di nav malên xwe de bimînin ji bo wan cihek din û derfetek din peyda bikin.

Hikûmet ji bo ezmûnkirin û tespîtkirina tûşbûnê stratejîyeke nû ya êrîşkar pêşkêş dike