Kurteya civîna rojnamevanî ye Wezareta Dewletê, 6ê Nîsanê, saet 20

Kurteya civîna rojnamevanî ye Wezareta Dewletê, 6ê Nîsanê, saet 20

06/04/2020 / COVID-19 bi Kurdî /

Rewş stabîl e û ber bi başiyê ve diçe. 503 di nexweşxanê de ne, 39 di bin çavdêriya tund de ne û 187 kes jî mixabin jiyana xwe ji dest dan. 

Serokwezîr dû re bal kişand ser belavbûna koronayê û got vîrûs bi derengiya sê-çar hefte belav dibe. Ji ber vê jî cihê xemgînîyê ye ku hin kes rehet tevdigerin û nimûne dest bi plankirina firavîn betlana Nîsanê dikin.

Ji ber vê serokwezîr plana qonaxa yekemîn ji bo jinûvevekirina Danîmarkê eşkere dike. Hemî xalên planê girêdayê pabendbûna welatiyan bi rênmayên rayedaran in: destê xwe gelek caran û baş bişo, navber bidin navbera xwe û gelek kes kom nebin.

Qonaxa yekemîn a jinûvevekirinê wisa ye

• Dezgeha karûbarê tenduristiyê dîsa ji bo çalakiyê ji bilî korona vedibe.
• bexçê zarokên 0-3 salî (vuggestue), bexçê zarokên mezintir, dezgehên wextê zêde ji bo zarokan û sinifên 0ê heta 5ê dîsa vedibin.
  • Di van dezgehên de bêtir tedbîrên (pêşîlêgirtin) tenduristiyê tê girtin. Piştî xilasbûna van, ji nû ve vedibin.
• Karmendên sektora taybet – eger di warî tenduristiyê mûmkin e- dê dest bi kar bikin.

Serokwezîr tekez dike ku tenê eger rewş ber bi başiyê ve biçe dikarin jinûvevekirinê bicîh bikin – û em hemû berpirsiya xwe bi pabendbûna rênmayan bînin cih.

Ji bilî vê, hinek însîyatîfên din divê heta 10ê Gulanê bê dirêj kirin, wekî:

• Girtina sînoran.

• Qedexekirina ji zêdetirî 10 kesan.

• Berbiçavkirina rênimayan.

• Girtina dibistanên xwendina bilind, pirtûkxane, sînema, navendên kirînê, qahwe.

• Karen lîberal ên piçûk ên wekî sertaş (berber), tatoo û wekî din têne dirêj kirin.

Serokwezîr banga sebirbûn û arambûnê li herkesî kir. Tiştek mîna berê nîne – û jiyana me ya rojane heta gelek mehan venagere civaka me.

Ji bilî vê, wê behsa tiştên din ên taybet kir:

• Xwendevanên sinifên 6ê heta 10ê dê li mal bixwînin, û îmtîhan betal bûn. Li şûna encama îmtîhanê ji bo van xwendevanan pola îsal (årskarakter) tê bikaranîn.
• Xwendevanên ku dibistana ciwantiyê temam dikin, diçin îmtîhan cûda û sînordar.
• Festîval, markêt û bûyerên mezin ên din di havînê de nikarin bên lidarxistin. Qedexeya kombûnên mezin heta û bi meha Tebaxê (Augustê) tê dirêjkirin.
• Hikûmet û hizbên (partiyên) meclîsê dê li derfeta baştirkirina pakêta piştgiriyê binêrin.

Carek din, Serokwezîr banga xwe dubare dike û dibêje gerek civakê meziniya xwe nîşan bide, bi taybetî bank û şîrketên kirêkirinê yên mezin ku divê piştgiriyê destnîşan bikin – lê her wiha hemwelatiyan jî, ku piştevanê dikanên xwe yên herêmî û şîrketên biçûk bin

Di derbarê dezgeha karûbarê tenduristiyê serokwezîr dibêje ku bêtir test (ezmûn) di rê de ji bo xuyakirina belavbûna vîrûsa Koronayê. Her wiha pir hewl didin ku zanibin karmendên tenduristiyê hemî cîhazên wan ên hewce hene.

Di dawiyê de Serokwezîr tekez dike ku herî girîng ev e ku em hemî beşdar bibin. Ev bi her kesê ve girêdayî ye ku erka xwe pêk bîne. Ev şert e ji bo ku em karibin ji nû ve bi awayekî hêdî civaka xwe dîsa vekin.

Relaterede nyheder