ናይ ጥዕና ቦርድ ማእከል ኣብ ልዕሊ እቶም ንሕማም ብቀሊሉ ተቃላዕቲ ወይ ተጠቃዕቲ/ ናይ ጸገም ግሩብ ኢሎም ዝጽውዑ መግለጼኡ ቀይሩ።

ናይ ጥዕና ቦርድ ማእከል ኣብ ልዕሊ እቶም ንሕማም ብቀሊሉ ተቃላዕቲ ወይ ተጠቃዕቲ/ ናይ ጸገም ግሩብ ኢሎም ዝጽውዑ መግለጼኡ ቀይሩ።

06/05/2020 / ኮሮና-19 ብ ትግርንኛ /

ድሕሪ ዝተናውሐ መጽናዕቲ፣ ናይ ጥዕና ቦርድ ማእከል ሰፊሕን ልክዓዊን ዝኾነ መግለጺ ኣውጺኡ ኣሎ፣ ብዛዕባ እቶም ንሕማም ብቀሊሉ ተቃላዕቲ/ ተጠቃዕቲ ዝኾኑ ግሩፕ ኮቪድ 19፣ እቲ ዝተካየደ መጽናዕቲ ኸኣ ብልክዕ ኣየኖት ግሩፕ እዮም ንዕቱብ ሕማምን መልከፍቲ ኮሮና ቫይረስን ብቀሊሉ ክልከፉ ዝኽእሉ ይሕብር።

ኣብዚ ግዜ ዚ 7 ንሕማም ብቀሊሉ ተቃላዕቲ/ ተጠቃዕቲ ዝኾኑ ግሩፕ ኣለዉ።

1,ብዕድመ ዝደፍአ ሰብ- ኣብ ሓፈሻዊ ናይ ጥዕንኡ ኩነታት ይምርኮስ

ስጋብ ሕጂ መጽናዕታዊ ተሞኩሮ ብዛዕባ ዚ ቫይረስ ከም ዝሕብሮ ልዕሊ 70 ዓመት ዝዕድሚኦም፣ ብፍላይ ከኣ ልዕሊ 80 ዓመት ዝዕድሚኦም ዜጋታት፣ ዝዓበየ ዕድል ናይ ብከቢድ/ብዕቱብ ምሕማም ከጋጥሞም ይኽእል። ከመኡ ውን ደቂ 65 ዓመት ወይ ካበኡ ንታሕቲ ዝዕድሜኦም ዜጋታት ከኣ ብፍላይ ከኣ ሕዱር ሕማም ምስ ዝጸንሖም ን ናይዚ ሕማም ሓደጋ ቅሉዓት ይኾኑ። 

 ደቂ 65 ዓመት ዜጋታት እንተደኣ ኣብ ጽቡቕናይ ጥዕና ኩነታት ዘለዉ ኮይኖም ከመኡ ውን ኣካላዊ ምንቅስቃስ ዘዘውትሩ እንተደኣ ኮይኖም ካብዞም ንሕማም ብቀሊሉ ተቃላዕቲ/ ተጠቃዕቲ ዝኾኑ ግሩፕ ዝበልናዮም ክኾኑ ኣይክእሉን/ኣይኮኑን። እዚ ማለት ከኣ ጥዕና ዘለዎም ስድራቤታት፣ ጥዕና ዘለዎም ንደቂ ደቆም ክርእይዎምን ክሓቁፍዎምን ይኽእሉ።

2,ኣብ ናይ ዓበይቲ መእለይ ዝቅመጡ ዜጋታት

ኣብ ናይ ዓበይቲ መእለይ ዝቅመጡ ዜጋታት ብዕድመ ዝደፈኡን ሕዱር ሕማም ዘለዎምን ከምኡ ውን ናይ ምንቅስቃስ ዓቅሞም ዝተደረተን ብምዃኑ ፣ እዚ ኩሉ ተኣኻኺቡ ናብ ሓደጋ ናይዚ ሕማም የቃልዕም።

3,ልዕሊ ሚዛን ዝኾኑ ዜጋታት

ልዕሊ ሚዛን ምዃን መብዛሕተኡ ግዜ ምስ ሕዱር ሕማማት ምትሕሓዝ ኣለዎ ከም ሕማም ሽኮርን ምስ መትኒታትን ልብን ዝተኣሳሰር ሕማምን። ብፍላይ ከኣ መጠን ግዝፎም ልዕሊ 35 ወ ልዕሊ 30 ኮይኑ ሕዱር ሕማም ውን ምስ ዝህልዎም ንመልከፍቲ ኮቪድ 19 ብቀሊሉ ዝተቃልዑ ይኾኑ።

4,ርጉጽ ዝኮነ ሕዱር ሕማም ዘለዎም ሰባት

ኩሎም ዓይነት ሕዱር ሕማማት፣ ሓደ ሓብቶም ንሕማም ብቀሊሉ ተቃላዕቲ/ ተጠቃዕቲ ግሩፕ ይገብረካ ማለት ኣይኮነን፣ ብፍላይ ከኣ ክፍወስ ዝኽእል ሕዱር ሕማም ምስ ዝኸውን። ኣብዚ ኣብ ጣሕቲ ዘሎ ናይ ሓበሬታ ሊንክ እቶም ብቀሊሉ ንሕማም ኮቪድ 19 ተቃላዕቲ/ ተጠቃዕቲ ክገብሩና ዝኽእሉ ሕማማት ክንርእዮም ንኽእል።

https://www.sst.dk/da/Udgivelser/2020/Personer-med-oeget-risiko-ved-COVID-19

5,ርጉጽ ዝኮነ ሕዱር ሕማም ዘለዎምም ቆልዑ

ገለገለ ሕዱር ሕማም ዘለዎም ቆልዑ፣ ንመልከፍቲ ኮሮና ቫይረስ ኮቪድ 19 ቅሉዓት እዮም ብፍሉይ ከኣ ምክንኻን ምእላይን ዘድልዮም እዮም ኣብ ከም መእለይኦም/መውዓሊኦምን ትምርቶምን ብሰንኪ እዚ ተላባዒ ሕማም። እዞም ኣብ ከምዚ ዝኣመሰለ ኩነታት ዝርከቡ ቆልዑን ስድራቤቶምን ብውልቂ ምኽሪ ዝህባ ሓገዝቲ ክግበራሎም እየን ኣብ ከባቤኦም ዘሎ ናይ ጥዕና ኣገልግሎት ቦታታት።

6,መንበሪ ፍቃድ ዘይብሉ ዜጋ

መንበሪ ፍቃድ ዘይብሉ ዜጋ ዝወሓደ ዕድል ናይ ግቡእ ጽሬትን ርሕቀት ምሕላው ካብ ካለኦት ሰባትን ኣለዎ። እዚ ኸኣ ንመልከፍቲ የቃልዖ፣ ብተወሳኺ ውን መንበሪ ዘይብሎም ብዙሓት ሰባት ብሕዱር ሕማማት ይሳቐዩ እዮም፣ እዚ ኸኣ ናብ ዕቱብ ዝኾነ ሕማም የቃልዖም።

7,ነብሰ ጾር

ጉዳይ ነብሰ ጾር ኣብ ትሕቲ ናይ ጥንቃቀ መምርሒታት ኢና ክንርእዮ ዘለና፣ ምኽንያቱ ነብሰ ጾር ኣደ ንመልከፍቲ ዝተጠርጠረት ስለ ዝኾነት፣ ስጋብ ሕጂ ዘጋጠመ ወይ ዝተረጋገጸ የለን ነብሰ ጾር ኣደ ወይ ውን እቲ ዘይተወለደ ህጻን ኣጸቢቆም ተጠቃዕቲ ምኻኖም ካብ ካለኦት ኣህዛብ፣ ስጋብ ሕጂ ብዝተበጽሐ ነብሰ ጾር ኣደ ብሰንኪ ኮቪድ 19 ኣብ ሕክምና ደቂሳ እንተኣላ ሕርሳ ቅድሚ ግቡእ ግዜኡ ብመጥባሕቲ ይኸውን፣ ብተወሳኺ ግን ልሙዳት ጸገማት ከስዕብ ይኽእል ኣብ ኣደን ህጻንን።

https://www.sst.dk/da/corona/Saerlige-risikogrupper

Relaterede nyheder