ዶባት ብኸፊል ክክፈት ክጅምር እዩ፣ ንናይ ወጻኢ ሃገር መገሻታት ግን ኣይነተባብዕን።

ዶባት ብኸፊል ክክፈት ክጅምር እዩ፣ ንናይ ወጻኢ ሃገር መገሻታት ግን ኣይነተባብዕን።

29/05/2020 / ኮሮና-19 ብ ትግርንኛ /

ጹማቕ/ ሓጺር ክፋል ናይ ብዕለት 29 ግንቦት 2020 ዝነበረ ኮምፈረንስ ምስ ቐዳመቲ ምኒስተር ዴንማርክ።

ንኹሉ ናይ ወጻኢ ሃገር መገሻታት ክሳብ ዕለት 31 ነሓሰ ኣይነተባብዕን/ ደገፍ ኣይንህብን። ብዘይካ ናብ ኖርወይ፣ ኣይስላንድ፣ ከምኡ ውን ጀርመን።

ኻብ ዕለት 15 ሰነ ናይ ዴንማርክ ዶባት ክፉት ክኸውን እዩ፣ ንበጻሕቲ ካብ ኖርወይ፣ ኣይስላንድ፣ ጀርመን፣ ከምኡ ውን ገለ ገለ ገደባት ክግበረሎም እዩ ነዞም ካብዘን ዝተጠቅሳ ሃገራት ዝመጹ በጽሕቲ፣ ገለ ካብቲ ዝግበረሎም ገደባት ምስ እንርእይ ከኣ ነፍሲ ወከፍ በጻሒ 6 ለይቲታት ጥራይ እዩ ኣብ ዴንማርክ ክሓድር ዝፍቀዶ ፣ እተን ዘሕልፈን 6 ለይትታት ውን ኣብ ርእሲ ከተማ ዴንማርክ ክኸውን የብሉን። ክኣትዉ ከለዉ ኣብ ዶባት ውን መርመራ ክግበረሎም እዩ።

ክሳብ ሽዑ ግን ን ካብ ሽወደን ዝመጹ በጻሕቲ፣ ዶባት ዕጹው እዩ ፣ እዚ ኸኣ ብምኽንያት ጎሮቤት ሃገርና ዘርእይዎ ዘለዉ ፍልይ ዝበለ ኣተሓሕዛ ኣብዚ ናይ ኮሮና ኩነታት እዩ።

ድሕሪ ናይ ሓጋይ ዕረፍቲ (sommerferie) ዶባት ክክፈት ክጅምር እዩ ነዘን ሸንገን ላንድ (Schengen-lande) ዝበሃላ ሃገራት።

ከም ዝፍለጥ ናይ ኩልና ስምዒታትን ድሌታትን ብኸመይ ሕብረተሰብና ብውሑስ መንገዲ እንደገና ይኽፈት እዩ፣ እዚ ኸኣ ልክዕ ኣብ ግዜ ናይ ሓጋይ መገሻና ናብ ካላኦት ሃገራት ንሕና/ኩልና ውን ክንገብሮ ዘለና ጥንቃቀ እዩ።

ናብ ካልእ ሃገር ኣብ ንገሸሎ ግዜ ዝዓበየ ዕድል ናይ መልከፍቲን እንተተለኺፍና ውን ናብ ሃገርና ሒዝናዮ ናይ ምምጻእን ኸጋጥም ይኽእል፣ ስለዚ ናብ ዓበይቲ ኸተማታት መገሻ ተመራጺ ኣይከውንን፣ ከምኡ ውን ከም ገያሻይ ናይተን ትገሸለን ዘለኻ ሃገራት ኣብ ዝገብርኦ ናይ መገሻ ገደባት ምስትውዓል የድሊ።

ናይ ጥዕና ቦርድ ከቢድ ዝኾነ ሓበሬታን መጠንቀቅታን ይህብ፣ ብዛዕባ ኣብ ወጻአኢ ሃገር ጸኒሕካ ኣብ ትምለሰሉ ግዜ ን 14 መዓልታት ክትውሸብ ከም ዘለካ፣ ከመኡ ውን ካብ ናይ ሽወደን ሓጺር መገሻ ምስ እትምለስን።

Relaterede nyheder