وزیر اعظم کے دفتر میں ١٤ اپریل کی پریس کانفرنس کے منٹ

وزیر اعظم کے دفتر میں ١٤ اپریل کی پریس کانفرنس کے منٹ

14/04/2020 / اردو زبان میں کوڈ 19 /

ڈنمارک میں کرونا وائرس سے متعلق پیشرفت پر کچھ خوش ہونا چاہیے. اعداد و شمار ایک سطح پر ہیں بلکہ توقع سے بہتر ہیں. اسی لیے توقع کے برعکس ڈنمارک کو تھوڑا سا اور کھولا جا سکتا ہے. ہم دوسری جماعتوں کے ساتھ بھی مذاکرات میں یہ نقطہ اٹھائیں گے کہ مزید کیا کچھ کھولا جا سکتا ہے مثلاً کون سے روزگار (کمپنیاں) کھولے جائیں. 

کرونا وائرس سے متأثر ہسپتال میں داخل اور انتہائی نگہداشت کے مریضوں میں کمی آئ ہے. ایک دوسرے سے دوری رکھنے کے عمل سے بہت فائدہ ہوا ہے اور ہم سب کو یہ عمل جاری رکھنا چاہیے. ہمارے لیے یہ ایک مشکل موقع رہا ہے کہ ڈنمارک کو اتنے عرصے کے لیے بند کر دیا گیا لیکن دوسرے بہت سے ممالک ڈنمارک سے بھی برے حالات میں ہیں.

اعداد و شمار کے مطابق کرونا وائرس کی وجہ سے ابھی ٣٨٠ لوگ ہسپتالوں میں، ٩٣ انتہائی نگہداشت میں جبکہ ٢٩٩ جان کی بازی ہار چکے ہیں. ڈنمارک میں کرونا وائرس ابھی قابو میں ہے اور صحت کا شعبہ حالات پر مکمل نظر رکھے ہوئے ہے.

• صحت کے شعبے میں کچھ حصوں کو کھولنے کی تیاریاں جاری ہیں جن کے تحت ڈاکٹر اپنے مریضوں کو دیکھ سکیں گے اور ہسپتال لائحہ عمل کے مطابق کام کریں گے. سب سے زیادہ مستحق مریضوں کو ترجیح دی جائے گی. سب کو یہ بات یاد رہنی چاہیے کہ اگر بیماری یا بیماری کی علامات ہوں اور معائنہ کی ضرورت پیش آئے تو اپنے ڈاکٹر سے رابطہ کریں.

• صحت کے حکام کی سفارشات کی روشنی میں تمام بلدیات ڈے کیئر اداروں ، ڈے کیئر سنٹرز اور اسکول کھولنے کی تیاری کر رہے ہیں۔ بچوں کے لیے اب ماحول تھوڑا مختلف ہو گا کیونکہ بچوں کے درمیان لمبا فاصلہ رکھا جائے گا، زیادہ تر باہر رہا جائے گا اور چھوٹی چھوٹی ٹولیوں میں کھیل کود ہو گا.

• کل بروز بدھ ١٥ اپریل ٦٧ بلدیات ڈے کیئر جبکہ ٤٨ بلدیات زیرو سے پانچویں کے بچوں کااسکول کھول دیں گے. دوسرے تمام ڈے کیئر  اور اسکول ٢٠ اپریل کو کھلیں گے۔

ہمیں دوسروں سے فاصلہ رکھنے کا عمل مسلسل جاری رکھنا چاہیے اور اپنے ارد گرد کے بزرگوں اور کمزور مدافعتی نظام والے لوگوں کا خیال رکھنا چاہیے. ہمیں اس امر کو یقینی بنانا ہے کہ انفیکشن زیادہ تیزی اور بڑے رقبے میں نہ پھیلے.